Shqipëria po zhvillon një fushatë zgjedhore të pazakontë këtë vit, ku vendin e debatit për programet dhe kandidatët e ka zënë së fundmi debati nëse do të ketë apo jo zgjedhje në 30 qershor. Por pavarësisht kësaj, të gjithë kemi qenë dëshmitarë të spektakleve dhe mitingjeve të mëdha që të gjitha forcat politike kanë zhvilluar nëpër të gjitha zgjedhjet e fundit, me fushata me shumë ngjyra, drita, muzikë e dekor, që ngritën pikëpyetje lidhur me financimin e tyre.
Në vitin 2017, partitë përforcuan ligjet që duhet të garantojnë transparencën mbi paratë që ato vetë shpenzojnë në fushatë elektorale. Ndërhyrje që nuk kanë mjaftuar, siç vlerëson edhe raporti i fundit i Komisionit Europian që thotë se transparenca dhe kontrolli i financimit të partive politike duhet të përmirësohen,
Raportet mbi zgjedhjet dhe monitorimi nga ekspertët tregojnë se partitë politike deklarojnë shumë herë më pak shpenzime nga sa kanë gjate fushatë. Ata fshehin tek audituesit numrin e saktë të aktiviteteve elektorale sikurse refuzojnë të japin shkresat e donatorëve.
Ligji për partitë politike, detyron çdo subjekt zgjedhor që të hapë një llogari të posaçme bankare, për donacione, por nga 36 parti pjesëmarrëse në zgjedhje, vetëm 7 parti kanë bërë publik numrin e llogarive bankare. Nga 96 kandidatë që garojnë për kryetar bashkie, numrat e llogarisë bankare I kanë bërë publik vetëm 8 kandidatë.
Ekspertët zgjedhorë flasin për një kompromis të heshtur të partive për të fshehur të ardhurat e fushatës, teksa përfaqësuesit e politikës edhe për këtë çështje tentojnë të gjejnë elementët e dobët tek kundërshtarët.
You may also like
